Wpisy do logu [OS] Dekiel 92x 8x 2x 4x Galeria
2014-11-10 20:04 redvibes (911) - Znaleziona
O a tukej pacza na Garmina i widza, że zaliczony kesz, ale coś mi nie pasowało - patrza na oc.pl - nie ma ptoszka. No to chyba trzeba sprawdzić, bo widocznie go nie znodłech... I jak dotarłech w rejon działania to od razu mi sie spomniało co jo sie tu naklon! Ostatnio, chyba w sierpniu, było tu tak zielono, że ani pierwszego etapu nie znodłech. Dzisiej coś mie tchneło, że skoro som logowania to trzeba go znoleźć bo bydzie gańba. No i w końcu sie znod pieron jeden! Ale też chyba z 20 minut go szukołch. No to ciach, na drugi etap, tu też trocha zeszło, ale dedukcyjo pomogła. Ale na finale! Na finale to po prostu agonia mojo! Nojprzód nie ten dekiel... (pff!) potem łażenie zaś z 20 minut. Już widza, że te Słońce załazi, myśla, zadzwonia może, kaj jo ten numer zaś miołch... kurde no nie ma! Nie beda jak ten paciulok siedzioł, ida dalej (choć pewnie ten kesz to jest ta ostatnio cyfra kerej mi bedzie brakowało). I na odchodne jeszcze jeden strzał wzrokowy i... gich! jest! haha! jest! I co sie okazało? To była ta jedna cyfra co mi brakowała (drugo poszła metodom dedukcji) i poleciołech uradowany na finał! Znakomito leci, ale gwiazdki nie dom za te siwe wosy na gowie. :D